Os pronomes persoais son unha clase de palabras que substitúen aos substantivos e ás palabras que os acompañan (artigos, adxectivos…); e dicir substitúen a frases cuxo núcleo é un substantivo.
Podemos distinguir dúas clases de pronomes persoais en galego:
- formas tónicas (pronomes persoais tónicos)
- formas átonas (pronomes persoais átonos)
O pronome persoal tónico
As formas tónicas dos pronomes persoais funcionan como suxeito da oración ou van detrás de preposicións como a, para, con, …
Cadro coas formas dos pronomes persoais tónicos
| Persoa | Singular | Plural |
|---|---|---|
| 1ª | eu, min | nós |
| 2ª | ti, vostede | vós, vostedes |
| 3ª | el, ela | eles, elas |
O pronome persoal átono
As formas átonas dos pronome persoais substitúen a un substantivo, pero nunca poden realizar a función de suxeito da oración; tamén é coñecido como pronome complemento.
Colocación do pronome persoal átono
- Polo xeral, o pronome átono sitúase despoís do verbo e unido a el: Gustouche a lección de Ciencias Sociais?
- Pero nos seguintes casos colócase antes do verbo e separados del:
- nas oracións negativas: Nunca te vin xogar ao balenpé.
- nas oracións introducidas (que empezan) por que, quen, cando, canto, como, onde, porque, por que, …: Non recordo quen me regalou este libro.
- despois da maioría dos adverbios: El tamén me contou un conto.
- nas oracións desiderativas: Oxalá poidas vir á festa do meu aniversario.
Video da colocación do pronome átono
Cadro coas formas dos pronomes persoais átonos
| Persoa | Singular | Plural |
|---|---|---|
| 1ª | me | nos |
| 2ª | te, che | vos |
| 3ª | o, a, lle (a el, a ela) | os, as, lles (a eles, aelas) |
